The Fast and the Furious

Nahi nahi... yeh Dhoom 2 ki kahani nahi hai... yeh blog post hai Hyderabad ke Autos (ya auto rickshaw) ke upar. Main Bharat ke kuch sharon jaise ki Delhi, Poona, Patna, Bangalore, Mysore ke autos me ghooma hun. Magar Hyderabad ke autos ki baat hi kuch aur hai...

Paheli baat to Dakshin Bharat ke autos ka rang poori tarah peela hota hai. Bharat ke doosri jagahon par yeh kaala-peela hota hai. Par yeh kewal rang hi nahi hai jo isse alag karta hai, yahan driver auto me bahut khoobsoorti se design banwate hai aur apne auto ko bahut sajate sawarte hai. Aapne woh film to dekhi hi hogi... Hero Heeralal... bilkul waise hi autos hote hai yahan!

Aur shayad jitni tej autos yahan chalaate hai waise doosri jagah nahi chalaate. Yahan auto aise chalate hai ki agar usme ek Jet Engine laga ho to woh X Prize foundation ke crore dollar ke space price ko jeet le. Yahan tak ki auto ka meter bhi utna hi tej hai jitna ki auto ki raftar!!!

To agli baar jab aap Hyderabad aaye to auto ka majaa jaoor uthayen.

------------------------------------------------------------
Did you know: A Tuk-Tuk is a South East Asian version of Auto Rickshaw (remember the Pierce Brosnan ad for Visa)

And the 'Silicon Valley' of India is...

Aaj humare office ke cafeteria me ek function ho raha tha (phir se...!). Function ek enclosed area me ho raha tha. Hum log khaana kha kar jaise hi jaane lage waha the ki ek aawaj sunai di...

"Do you know which city is the IT capital of India?"

"Do you that Bangalore is not the IT capital of India??"

Hum hairan rah gaye... abhi kuch dinon pahele hi to paper me pada tha ki Bangalore abhi bhi India ka IT capital hai... to ye kya bol rahi hai...

Phir se awaaj aayi...

"Bangalore is not the IT capital of India... its Bengaluru!!!"

Hum haste haste lot pot ho gaye...!!!

------------------------------------------------------------
From Gertrude Stein's poem Sacred Emily: "Rose is a rose is a rose is a rose."

How would India fare up in the Future

Thomas Friedman ka "The World is Flat" pada kuch dino pahele. Tom ne Globalisation aur Outsourcing ka itihaas bahut acche se bataya hai is kitab mein.

Aaj Pramod Bhasin (President & CEO, Genpact) ke townhall hua office me. Outsourcing par badi badi baaten hui. Bade log hai to badi badi baaten karenge hi. Batein jaise ki kaise hum apne customers ko reduced cost aur increased efficiency ka fayada de sakte hai. Aur abhi tak to humne Outsourcing ka "tip of iceberg" dekha hai, hume aage aur bahut kuch karna hai.

Ek baat to hai ki Outsourcing se teesri duniya, poorvi Europe aur Latin America ke deshon ko bahut fayada hua hai. Yaha bahut saare logon ki jindagi sudhar aaya hai. Aur yeh log naujawan hai jo apne deshon ki arthvyavstha me Demand ko badhava de rahe hai, jisse arthvyavstha me sudhar ho raha hai.

Par kya ye samridhi US aur UK ke logon ki naukriyan cheen kar aayi hai... shayad nahi... US aur UK me agar Outsourcing nahi hota to wahan ki arthvyavstha ko jyada nuksaan hota. Outsourcing se wahan ki arthvyavstha me sudhar aur vridhi ki utni hi sambhavana hai jitni ki yahan hai.

------------------------------------------------------------
Thomas Baba kahin: Ab bhavishya me India me log gaali denge to "Go to Hell" nahi kahenge, woh bolenge "Go to America"...

Laut ke buddhu ghar ko aaye!

Abhi abhi 2 din pahele Pune se wapas lauta hun. Bahut saare badlaw huye hai Pune mein. Yahan ek list bana raha hu...

Pahela: Pahele Road hua karti thi, ab gaddhe (potholes) hote hai
Doosra: Pahele bijli (electricity) hoti thi, abhi tak to thi... !
Teesra: Pahele logon me traffic sense nahi hota tha, aur abhi bhi nahi hai
Chautha: Pahele Shopping malls ek do the, ab bahut saare aa gaye hai
Panchva: Pahele ladkiya jeans pahenti thi (regular style), shukr hai ki abhi bhi kuch to pahenti hai (mostly shorts kinds)...
Chattha: Ladkiya pahele "terrorist" ki tarah ghoomti thi, abhi bhi ghoomti hai (they cover their faces to keep dust and harsh sunlight away)
Satva: Pahele IT companies bahut kam thi, aaj kal bahut saari aa gayi hai
Aathva: Property ke options bahut nahi the, ab to baaddh (flood) aa gayi hai
Nauva: "Oxford of the East" tha, ab pata nahi (there was a news in the paper that Pune University is not even mentioned in the list of top Universities of the world, though IIMs and IITs are)
Dasva: Shukr hai ki main abhi tak Hyderabad me hun!!

- Jai Ram Ji Ki

------------------------------------------------------------
End Note: Bus me kisi ki T-Shirt ke peeche likha tha... "Where will you take the future?"

"Lost" vs "Kasht"

Kabhi socha hai ki agar "Lost" humare yaha banti to kaisa hota... Ek baat to pukki hai... Yeh serial Ekta Kapoor hi banati... aur usme ek saas aur ek bahu bhi hoti survivors me :) ...ya bahu survivor aur saas the others me shamil hoti..

Aur haan... Serial naam bhi to K se shuru hoga... kya naam ho sakta hai... hmmm... "Kost" ... naa.. shayad "KkkLost"... ye Kost aur KLost se to accha "Kasht" (pain) lagta hai :)

To jab tak main serial ki script likhon aap chipke rahiye TV se

to be continued... (yahan par teen baar jor se drum ki aawaj aayegi... aur phir Balaji Telefilms ka banner aayega)

------------------------------------------------------------
Ponder on it: Kabhi socha hai ki TV agar "Idiot Box" hai to usse dekhne wala kaun hoga...